قناة اليوم السابع المصورة

بالفيديو.. علاقة حب أفسدتها الشعوذة.. "صدفة" ضحية السحر الأسود

كتب أسامة طلعت أسماء زيدان| 1/8/2017 10:01:49 PM

تحيرك نظراتها الشاردة فور رؤيتها، فوجهها تغمره ملامح الأطفال وحول عينيها ينتشر السواد لاستغراقها الليل فى التفكير فيما ألم بها، إنها آية شوكت، والشهيرة بـ"صدفة"، الفتاة التى قلبت مواقع التواصل الاجتماعى بصورتها التى وجدت ضمن أعمال شعوذة بمنطقة السيدة عائشة، لتفرقة صدفة عن خطيبها حسن، وتمنى المرض والموت لهما حسب زعم صدفة... اليوم السابع يحاور صدفة وأسرتها بمنزلها بمنطقة البراجيل بإمبابة، للوقوف على القصة كاملة، ومعرفة من صاحب أعمال الشعوذة، وكيف استقبلت صدفة فكرة القيام بعمل لها، وستجيب السطور القادمة عن كل تلك التساؤلات.

تقول صدفة لـ"فيديو7 قناة اليوم السابع المصورة"، "أنا وحسن واخدين بعض عن حب، وكان كويس جدًا معايا لحد يوم الخطوبة لما جه ياخدنى من الكوافير، فأول ما شافنى قالى أنتى شبه القرد وفيه شعر كتير فى وشك..وسابنى وجرى على العربية وفرج الناس عليا فى الشارع و فضل ينهج وطلع رغاوى بيضة من بقه، وبعدها هدى وروحنا الخطوبة.. واتصورنا ووزعنا على المعازيم الصور اللى موجودة فى العمل".

وطول فترة خطوبتنا فى مشاكل مش طبيعية وعلى أتفه الأسباب فمثلا اتخاصمنا شهرين بسبب " زور الحمامة "، ليه وليه إنى عزماه على حمام وسايبة الزور فى الحمامة إزاى دا يحصل وهزقنى وساب الأكل ونزل وفضلنا متخاصمين بعدها شهرين، دا غير خناقة "توم وجيرى"، ليه أتفرج على كرتون وهو عندنا .. وعليها كام شهر، وغيره وغيره كتير ..دا وصل بيه الحال إنه كسر صورة خطوبتنا الكبيرة وأنا كمان كسرت قدامه صورة تانية من غضبى دا غير إنه كان بيحدفنى بالشاحن ولما كسرت كوباية قال إنى كنت عايزة أموته".

وأكملت: "كل الحاجات الكتيرة دى وعمرى ما توقعت إن معمولنا عمل وأقول بكرة يتحسن، واتأكدنا إننا مش لبعض وفسخنا الخطوبة وتعبت وكل الدكاترة احتاروا فى تعبى لدرجة إنهم شكوا إن عندى سرطان فى الثدى، وبعد فترة من اللف على المستشفيات حسن رجعلى عشان يبقى جنبى فى تعبى وأنا خوفت ووقفت الأدوية، وسيبنا بعض على أتفه خناقة بينا وهى إنى لقيته "ويت" ولما سألته قالى إنه بيكلم والدته عرفت إنه كداب وسيبنا بعض".

واتفاجئت زى كل الناس بصورتى على الفيس إنى معمولى عمل عشان أسيب حسن وأمرض، وفضلت أضحك ضحك هيستيرى، وبعدها عيطت إن فى حد بيكرهنى للدرجة دى، لأن عمرى ما تخيلت إن دا يحصل.. ولقيت الكل بيفكر إنى لازم أرجع لحسن وعملولنا صفحة حسن وصدفة، وهاشتاج حسن ارجع لصدفة، وكنت فى ذهول تام، وتواصلت مع البنت صاحبة المنشور اللى بتقول إنها لقت العمل فى مقبرة والدها وقابلتها على سلم عمارتها، وبعد ما روحت لقيت حاجات ناقصة غير اللى فى الصورة على مواقع التواصل الاجتماعى، ومن وقتها بنكلمها مبتردش وبيقولولنا النمرة غلط، وعملتلى بلوك مش عارفة مين عملى كدة ولا عايز منى إيه.

وأردفت: حسن مفيش حاجة على باله لا عايز يشوف العمل، ولا جه معانا وإحنا بنجيبه، وجبنا شيخ عشان يلاقى حل وبمجرد ما بدأ يقرأ قرآن تعبت وشوفته ذئب، وأكدلى إن الـ"برا" اللى عليها العمل متخصنيش ولكنها رمز للمرض بمنطقة الصدر، وبقول للناس سيبونى فى حالى أنا عمرى ما أذيت حد ولا عايزة حاجة من حد وحسبى الله ونعم الوكيل .

وتقول فاطمة سالم والدة صدفة، " من زمان وأنا كنت شاكة إن بنتى معمولها حاجة لأن فرحتها مبتكملش، وخطيبها كان غريب أوى وبيزعق ويفرج علينا الشارع لدرجة إن مرة حدفها بالولاعة ولعت فى الجدار، رغم أنه طيب لكن تصرفاته كانت غريبة، وصدفة صعبان عليها تقلع الدبلة لأنهم بيتخانقوا كتير  بس أكيد لسة بتحبه وواخدة على خاطرها منه، وبقول لكل اللى أذونا حسبى الله ونعم الوكيل، وللبنت اللى وجدت العمل باقولها يابنتى اظهرى حرام عليكى تمى جميلك الناس بتتهم بنتى إنها عاملة كدة عشان ترجع لخطيبها وربنا الأعلم بالمعاناة اللى مرينا بيها.

 



لا توجد تعليقات على الخبر

اضف تعليق


لا يفوتك

أخبار بالفيديو

بالفيديو..الغردقة أكبر مدن تجمع الدولار واقل مدن على طلبها

تعبر مدينة الغردقة ومحافظة البحر الأحمر، من المحافظات السياحية الأولى التى كانت تدر دخلا كبيرا من العملة الصعبة للبلاد، نظرا لأعداد السائحين التى كانت تفد إليها قبل الأزمة التى يشهدها القطاع السياحى مؤخرا .

أخبار بالفيديو

بالفيديو . . معاناة اهالى الداخلة من إجراءات القومسيون الطبى وتكدس شديد على اللجنة.. والمرضى يستغيثون بالمحافظ

رصدت عدسة اليوم السابع معاناة أهالى مركز ومدينة الداخلة بالوادى الجديد وخاصة المرضى فى مشهد يتكرر بصفة دورية بالتكدس الشديد على لجنة القومسيون الطبى التى تباشر أعمالها بتوقيع الكشف الطبى على المرضى لمنحهم التقارير الطبية الخاصة بهم حيث تكدس المئات من المرضى وذويهم امام مقر اللجنة فى مشهد غيرانسانى للحصول على تلك التقارير الطبية

أخبار بالفيديو

بالفيديو.. عائلات قرى "أبو حزام" و"حمردوم" بقنا توافق على إنهاء الخصومات الثأرية وتسليم السلاح

أعلن عدد من أهالى قرية "حمردوم" التابعة لمركز نجع حمادى، شمال محافظة قنا، الموافقة على التوصل للصلح بين جميع العائلات وإنهاء كافة الخصومات الثأرية، وسيتم عقد صلح بين العائلتين بقسم شرطة نجع حمادى نهاية الأسبوع الجارى.

أخبار بالفيديو

بالفيديو.. حبس عاطل متهم بالاتجار فى المخدرات 4 أيام بدمياط

أمرت نيابة مركز دمياط باشراف أحمد القزاز مدير النيابة حبس عاطل أربعة أيام احتياطيا على ذمة التحقيقات للاتجار بالمواد المخدرة.

أخبار بالفيديو

بالفيديو.. بوار وغرق 50 فدان فى مياه الصرف الصحى بالواسطى فى بنى سويف

أكثر من خمسين فدان بمنطقة كوم أبو راضى الصناعية ، بمركز الواسطى شمال محافظة بنى سويف ، أغرقتها مياه محطة الصرف الصحى والصناعي بالمنطقة الصناعية وحولتها الى بركة من المياه

الأكثر مشاهدة