الخميس، 14 ديسمبر 2017 12:22 ص
قناة اليوم السابع المصورة

بالفيديو.. بطلة "ركبنى المرجيحة": "حلمى بكر قالى صوتك وحش.. وفى ناس بتقول على صوتى زى العرسه"

محمد فتحى عبد الغفار| 7/17/2017 8:48:16 PM

قالت دالى حسن بطلة كليب ركبنى المرجيحة فى تصريح خاص لـ"فيديو 7"  قناة اليوم السابع، " انا عملت برنامج مقالب مع الفنانين وهيتعرض على قناة كبيرة قريب.. وانا مبعرفش ادخل على الاكونت بتاعى من كتر التعليقات وناس كتيرة تقولى انتى نجحتى وناس تانية تقولى خليكى فى التجميل".

وتابعت، "مطربين كتير عيزنى اعمل معاهم كلبات وكلمونى فى دبى عشان اعمل كلبات وجالى شغل مسرح .. والهجوم عليا صدمنى".

وأوضحت، "انا بوجه شكرى للأستاذ حلمى بكر.. انا وروحتله لما كان عيان بيته عشان اطمن عليه وغنيتله اغنية لسعاد حسنى وقالى خليكى فى التمثيل والناس بتقول حلمى بكر بيقول لأى حد صوتك وحش".

وأكدت، "انا بحب كل جمهورى اللى بيحبنى واللى بينتقدنى وبزعل من اللى بينتقد بس بنسى وبسامح .. انا كنت شايفه انى لابسه كويس فى الكليب وده رأيهم وزى ما فى ناس اتريقت واكترها بنات وفى كدابين كتير".

وتابعت، "أنا مترشحة ادخل مسابقة ملكة جمال العرب ومدير المهرجان كلمنى وقالى انتى هتكونى فى المهرجان وانا واثقة فى نفسى جدا وقادرة على الفوز.. والستات بتيجى جنبى فى الشارع تقولى بسم الله ما شاء الله من جمالى".

استكملت، "كليبى مفهوش اى ايحاءات جنسية والناس مش لاقية حاجة تعملها ..واثناء تصويرى للكليب مكناش لاقيين مرجيحة وقعدنا ندور عليها طول الليل وفى ناس بتقول على صوتى صوت عرسة ولما بسمع أو اقرا كده بقعد اضحك وأزعل وهحضر ألبوم للاطفال قريب".

 





لا توجد تعليقات على الخبر

اضف تعليق