قناة اليوم السابع المصورة

بالفيديو.. سائقو الميكروباصات والنقل بـ"أرض اللواء": "عايزين ناس تحكملنا الموقف"

كتب: خالد حسين| 12/25/2014 9:00:50 AM

ما بين موقف عشوائي للميكروباصات وآخر لسيارات النقل بمنطقة أرض اللواء، وشكاوي سائقي الموقفين من إهمال المسئولين لمطالبهم بإيجاد مواقف بديلة ومناسبة لهم، وبين طرق غير ممهدة تتسبب فى صعوبة تنقل هذه السيارات، وقرار الدكتور على عبد الرحمن محافظ الجيزة بنقلهم إلى أماكن أخرى، إلا أن القرار لم يرضى السائقين بسبب عدم ملائمة المكان، حسبما قالوا. وقال مصطفى حامد سائق ميكروباص، "الطريق مدغدغ وبيكسر عربيتنا وكل شوية نصلح فى عربية، بجد حرام، والبياعين والمحلات بيرشوا مياه على الطريق ويخلوه طين ومبنعرفش نتكلم معاهم". وأضاف أحمد عبد المعتمد يوسف أحمد "عايزين فى الموقف حمامات وعايزين ناس تحكملنا الموقف ومش عارفين ناكل عيش وسط البلطجية والزباين بتشتمنا، والعربية بعد ما كانت ما بتعمل 70 جنيه بقت بتعمل 30 جنيه فى الوردية، أنا أخد كام وصاحبها ياخد كام، والدنيا كلها واقفة"، مطالباً المسئولين بتوفير فرص عمل حتى وان كانت فراشة، حسبما قال. وعن موقف سائقى سيارات النقل الصغيرة، فكانت هناك شكاوى مختلفة تمثلت فيما قاله بعض السائقين، فأوضح صبحى صالح "مفيش مكان لينا وعايزينا ننقل من هنا لمكان تاني بعد الكوبري الجديد من جوة واحنا مش هنبقى ظاهرين، وكمان عايز ياخد تمن أرضية زى السرفيس، والنقل على مستوى مصر كله ما بيدفعش أرضية"، مطالباً بعمل مصدر للمياه والكهرباء للموقف الخاص بسياراتهم مع التزام السائقين بدفع فواتيرها، مختتماً كلامه "عايزين مكان نضيف نقف فيه". بينما أشار حمدي سيد حسن، "أنا واقف فى الموقف هنا من 25 سنة ولما اتعمل الكوبرى المفروض يدينا مكان تحت الكوبري، هو عايز يدينا مكان جنب السور، واحنا عربياتنا عليها أقساط، وأصحاب العمارات بيضايقونا ويقولولنا امشوا من هنا والظباط بيمشونا، طيب إحنا مفيش مكان لينا، نعمل ايه، وبندفع مخالفات وضرائب".        



لا توجد تعليقات على الخبر

اضف تعليق


لا يفوتك

تقارير خاصة

بالفيديو..حدث فى مثل هذا اليوم : وفاة الإمام الشافعي

أحداث 1938 - الملك فاروق ملك مصر يتزوج من صافيناز ذو الفقار والتي أصبحت تلقب بالملكة فريدة.

تقارير خاصة

بالفيديو.. الجمهور المصرى للاعبى منتخب اليد: "رجالة وتستهلوا تى شيرت المنتخب"

وجه عدد من عشاق كرة اليد رسالة شكر للاعبى المنتخب الوطنى، أثناء مشاركتهم ببطولة كأس

تقارير خاصة

بالفيديو..تراجع أسعار الذهب جنيهين.. وعيار 21 يسجل 633 جنيها

تراجعت أسعار الذهب اليوم فى التعاملات الصباحية بقيمة جنيهين ليسجل عيار 21 مبلغ 633جنيها

تقارير خاصة

بالفيديو.. حظك اليوم.. برج الحمل: تنهى علاقتك العاطفية قريبا

يقدم موقع فيديو7 قناة اليوم السابع المصورة، برنامج حظك اليوم

تقارير خاصة

شاهد فى دقيقة.. ليندسى لوهان نجمة هوليوود المثيرة.. هل أسلمت أم لا؟

أثارت النجمة العالمية ليندسى لوهان حالة من الجدل مؤخراً، بعد تداول أخبار حول اعتناقها الإسلام، ما رجح الأنباء غير

الأكثر مشاهدة