الأربعاء، 22 نوفمبر 2017 01:01 ص
قناة اليوم السابع المصورة

بالفيديو..«أم كريم» أشهر جزارة بمنطقة المدبح:«بقف أحسن من 100 راجل»

كتبت- نورا طارق| 9/19/2015 4:22:42 PM

عرفت مهنة الجزارة بأنها للرجال فقط، نظراً لما تطلبه من مشقة وجهد من مسك سكين وذبح وتقطيع لحوم، لكن "أم كريم" التى تعمل بالجزارة بمنطقة المدبح أثبتت أن هذه المهنة أيضاً للسيدات. تتحدث لكاميرا "فيديو7 قناة اليوم السابع المصورة"، عن قصتها مع مهنة الجزارة، قائلة:"أبويا كان بيشتغل جزار وكنت بقف معاه الأول ووقفت مكانه بعد ما توفى وكنت بقطع لحمة بس لكن ما أقدرش أدبح وهى مهنة متعبة بس أعمل إيه مفيش حاجة مش متعبة ولما حد بيشوفنى بيستغرب بس بيقول إن دى حاجة حلوة وإن فى ست جزارة وواقفة أحسن من ميت راجل ". وعن معاملة الجزارين لها تقول:"أنا بتعامل معاهم كراجل مش واحدة ست وهما بيعاملونى كراجل، بيقولوا أم كريم دى راجل ومسكتى للسكين بتخوف الناس الغريبة منى بيقولوا جامدة بس هنا فى السوق عادى محدش بيخاف منى". برغم عمل "أم كريم" بالجزارة إلا أنها ترفض أن يعمل بناتها بهذه المهنة أيضاً، وتقول:"عندى بنتين وقدرت أجوزهم وعملت لهم شقق حلوة لكن ماينفعش يشتغلوا معايا عشان أجوازهم هيرفضوا".  





لا توجد تعليقات على الخبر

اضف تعليق