الخميس، 19 أكتوبر 2017 02:30 م
قناة اليوم السابع المصورة

بالفيديو.. "إزاى تحمى خزنتك وشقتك وعربيتك من السرقة"

محمد فتحى عبد الغفار| 3/19/2017 5:30:00 PM

كثرت حالات السرقة فى الشارع المصرى فى الآونة الأخيرة بطريقة غير مسبوقة، فالسرقة طالت الشقق والخزن والسيارات وفى تقريرينا هذا سنقدم إليك 10 أسرار من عالم المفاتيح والخفايا التى تحيط به وحقيقة أكثر الشائعات المتداولة من أصحاب الخبرة فى هذا الشأن.

 

وبالتواصل مع أحد أصحاب محلات المفاتيح ويدعى هانى، وبسؤاله عن أبرز الأسئلة التى يريد معرفتها كل صاحب شقة أو خزنة أو سيارة، فكانت إجابته كالتالى:

لو مفتاح عربيتك ضاع.. إيه الحل؟

يتم على الفور استدعاء أحد فنيى تصنيع المفاتيح ويتم فك الكونتاك الخاص بالسيارة وعمل مفتاح آخر.

لو كانت عربيتك مشفرة.. إيه الحل؟

لو العربية متشفرة بنفك الشفرة الخاصة بالسيارة وعمل ريموت جديد من خلال جهاز لفك الشفرات، ولكن يجب أن يكون مالك السيارة موجودًا بأوراق امتلاكه للسيارة والرخصة الخاصة بالسيارة.

فى مفتاح ممكن يتعمل على مفتاح الخزنة؟

أيوة.

حتى المفاتيح القديمة بتاعت الخزنة الكبيرة المفتاح البلدى؟

أيوة بتتعمل.. كل المفاتيح موجودة فى السوق.

ممكن حد ياخد نسخة من مفتاح على صابونة؟

أيوة ممكن يطلع مفتاح على نسخة على صابونة بس ده غير قانونى.

يعنى الأقاويل ديه حقيقية وممكن يطلع مفتاح من على صابونة؟

أيوة بتحصل والناس اللى فاتحة تحت السلم بتعملها اللى هما بعيد عن عين الحكومة.

لو جالك واحد معاه صابونة هتعمل معاه إيه؟

بنبلغ عنه على طول.

مفاتيح الخزن القديمة الكبيرة موجودة لحد دلوقتى؟

أيوة وفى ناس شغالة فيها لحد دلوقتى وخاصة الشركات.

المهنة تختلف من زمان عن دلوقتى إيه؟

زمان كانت المفاتيح بتتصنع يدويا.. وحديثا الماكينات بتعمل كل حاجة وكل المفاتيح.

إزاى الناس متتعرضش لحادث سرقة؟

نزلت قوالين جديدة حديثة وبتتعرض للسرقة.. الناس المفروض أنها تحافظ على المفاتيح الأصلية وعدم تركها على الطاولة وأخذها لأى مكان يذهبون إليه ديه الحاجة الوحيدة اللى ممكن متتعرضش فيها للسرقة.

فى أصحاب محلات بيطلعوا مفاتيح من غير إجراءات متبعة وضعتها وزارة الداخلية؟

أكيد فى مخالفين.

 

 

 

 





لا توجد تعليقات على الخبر

اضف تعليق