قناة اليوم السابع المصورة

بالفيديو.. خبير تربية كلاب: "عامله على أنه واحد من البيت"

محمد فتحى عبد الغفار| 5/18/2017 5:31:01 PM

قال محمد جلهوم، الخبير فى تربية الكلاب، " إن تربية الكلاب ليست بالأمر السهل فقبل أن تستنهض وتفكر فى شراءه لابد وأن توفر له المكان المناسب لذلك.. بعدها تجيب الكلب وتعتنى بيه طبيا من خلال التطعيمات، فالاعتناء بالكلب يأتى فى المتربة الأولى بإطعامه بالأكل الجيد".

واستكمل "جلهوم"، "لازم الكلب يتمشى كل يوم وتحدد له وقت رفاهية.. مينفعش يتربى فى مكان ضيق لأن الكلاب بتتعب نفسيا وبتتأثر بده، ممكن الكلب مياكلش ولا يشرب بسبب إنه تعبان نفسيا، ومن أعراض كمان تعبه نفسيا ممكن يظهر زعله وهتلاقيه مبيلعبش، والسبب أنه عايز يخرج ويتفسح".

وأوضح "الخبير"، "الكلب بيفهم صاحبه كويس جدا من خلال كلامه وعنيه، ولازم نعامله على أنه واحد من البيت وبيعرف إيه الصح والغلط من كلامك.. الكلب وفى جدا لصاحبه حتى لو مش كلب شرس، فممكن جدا الكلب يتحول لشرس فى حالة هجوم أحد على صاحبه.. ولو الكلب شرس ميقدرش حد يقرب من صاحبه نهائى لأنها بتكون مغامرة غير محمودة العواقب.. لأن الكلب لما يكون شرس ومدرب بيكون خطر".





لا توجد تعليقات على الخبر

اضف تعليق