الجمعة، 20 يوليه 2018 04:36 ص
قناة اليوم السابع المصورة

فيديو.. إزاى تشترى أوضة نوم من غير ما يضحك عليك

محمد فتحى عبد الغفار| 12/9/2017 3:30:00 PM

قبل اقدامك على شراء اى قطعة أثاث، يجب ان تعرف خطوات وكيفية اختيارها، كاميرا فيديو7 قناة اليوم السابع المصورة، رصدت كيفية شراء الاثاث بشكل عام، وغرف النوم على سبيل المثال، حسنى حسن نجارنصح أى زبون قبل الإقدام على شراء غرفة نوم أو عفش المنزل قائلا، "أوضة النوم عشان الزبون يعرفها كويسة ولا مش كويسة فا ديه حاجة مستبعدة، النهاردة عشان حد يشترى حاجة جاهزة بياخد معاه نجار فصاحب المكان اللى رايح عنده بيعمل للنجار مكافأة وده عرف متفق عليه ما بينهم حتى لو ميعرفوش بعض عشان يقول الحاجة دية كويسة وتمشى وفى ناس كتير بتعمل كده".

وأضاف، "سعر الخامة غطى على سعر الصنعة.. والعامل دلوقتى بدل ما الحاجة تقعد معاه يومين بيضطر يعملها فى يوم عشان يبدأ فى مصلحة جديدة مع زبون جديد وهكذا، زمان الزبون كان بيجى يخبط على اوضة النوم ويشوف خشبها ايه وكان كمان بيرفع الشغل عشان يشوفه تقيل ولا لأ.. ولما النجارين شافوا انى الزبون بيلجأ للطرق ديه بدأوا يحطوا بلاط حشو فى الخشب والزبون هو اللى عايز كده لأنه بيبحث عن التقيل أكنه بيشترى بالكيلو وده عدم فهم من الزبون لأن الخشب مش بتقله ".

وتابع، "النجار دلوقتى وراه التزامات وبيتجه إلى ضرب الخامة عشان يرضى الزبون تماشيا مع السعر اللى عايزة الزبون، لأن الزبون غير مدرك أن الخامة زادت بالقدر اللى بنقوله عليه .. سعر الخامة زادت 200 % والزبون فاكر انى النجار هو اللى بيزود وغير مدرك أن الصنعة كمان بتزيد مع زيادة الخامة" .

واستكمل، "عشان تختار أوضة نوم كويسة دور على تقفيل الشغل قبل الخامة، وتسأل عن خامة الخشب اللى معمول بيها الأوضة بس لازم يكون معاك نجار واثق فيه عشان يقدر الخامة اللى معمول بيها الاوضة وجودتها".





لا توجد تعليقات على الخبر

اضف تعليق