الإثنين، 20 أغسطس 2018 06:05 م
قناة اليوم السابع المصورة

فيديو.. صباحك سعيد.. «عنابي .. يا عنابي يا خدود الحليوة»

كتب سيد صابر| 3/14/2018 8:00:00 AM

فى إطار باب “صباحك سعيد”.. يعرض موقع فيديو 7 قناة اليوم السابع المصورة، أغنية " عنابى "، للمطرب الراحل كارم محمود، وهى من كلمات كامل الأسناوى، وألحان حلمى أمين.

 

وتقول كلمات الأغنية:

عنابي .. يا عنابي يا خدود الحليوة

أحبابي .. يا أحبابي يا رموش الحليوة

يرضيكوا الحليوة يسيبني للنار اللي بتدوبني

ايه قصده الحليوة .. ايه قصده الحليوة

 

بتميل العيون على خده بتشاهد جناين ورده

ونسايم عبير بيعدوا لو فات الحليوة

بتهل الروايح منه وبيتقل علينا اكمنه

متأكد وعارف انه امورة وحليوة

يرضيكوا الحليوة يسبني للنار اللي بتدوبني

ايه قصده الحليوة  ايه قصده الحليوة

 

وعيونه يا ناس آه يانا بتصحي قلوب نعسانة

يا مصبح عليه أمانة لا توصي الحليوة

وتقول له انه في أحباب فاتحين للمحبة الباب

من شوق الهوى الغلاب ولا جاش الحليوة

يرضيكوا الحليوة يسيبني للنار اللي بتدوبني

ايه قصده الحليوة .. ايه قصده الحليوة

 

ياعيني عليك ياقلبي يا كاتم هواك ومخبي

لا تبوح للحليوه بحبي وانا مالي الحليوه

ولأمتى البعاد متقدر انا بسأل عليه وبدور

والفكر بهواه متحير ولا جاش الحليوه

يرضيكوا الحليوة يسيبني للنار اللي بتدوبني

ايه قصده الحليوة .. ايه قصده الحليوة

 

 

 





لا توجد تعليقات على الخبر

اضف تعليق