الإثنين، 21 مايو 2018 10:29 م
قناة اليوم السابع المصورة

فيديو.. أبو خشبة أشهر كنفانى فى مصر: محلنا كان مقر للضباط الأحرار ومفيد فوزى وعمرو أديب أشهر الزبائن

كتب: محمد فتحى عبد الغفار| 5/15/2018 1:49:47 PM

قال حسنى أبو خشبة، أقدم كنفانى فى القاهرة الفاطمية ويرجع تاريخه إلى 150 عاما، إنه وأخوته توارثوا هذا المحل من والدهم الذى توارثه من جدهم وهكذان فلم نتوارث الممحل فقط بل توارثنا المهنة أيضا من أجدادنا.

 

وتابع، أن هذا المحل منذ أن وضعت به اللبنة الأولى وهو كنفانى من جد الجد، فهمنة الكنافة صعبة وليست سهلة، وتطورت بمرور الزمن وأصبح هناك كنافة باللبن والجبنة والشيكولاتة والمانجو، والحلوانى دلوقتى بيتعامل مع الجودة .

 

وأردف، "الحاج والدى حبب فينا الشغلانة منذ نعومة أظافرنا، وشغالين طول السنة ومبنقفلش، أنواع الكنافة كتير، والسوريين عملوا كنافة على الفحم والفكرة أصلا متاخده من المصريين لأن الكنافة دية طلعت أيام الدولة الفاطمية من مصر هنا وهما اللى واخدنها منا، احنا طورنا الكنافة ودخلنا عليها الشيكولاتة واللبن والمانجو والجنبة والعسل، السوريين موصلوش لكده ولكن العامل المصرى أشطر وبيطور وبيفكر".

 

وأكد، "مفيد فوزى جه هنا اشترى مننا كنافة، وعمرو أديب جه كل كنافة وممثلين كتير بيجوا على الاسم، مفيش حد يعرف يطلع الفتلة بتاعت الكنافة دية فى مصر، المحل ده من أقدم محلات  القاهرة الفاطمية، بنتجمع هنا أنا واخواتى فى المحل فى رمضان عشان نجمع العيلة، ووالدى كان من رجال الثورة وهو اللى معلق الصور ديه لجمال عبد الناصر وأنور السادات والضباط الأحرار والملك فاروق بقالها أكتر من 60 سنة متعلقة على الحيطة دية محدش حركها من مكانها، وهنموت واحنا بنصنع الكنافة والجيل الجديد مش حابب الشغلانة والأحفاد مش حابة الصنعة وبدأت تقل".

 

واستكمل، "سر خلطة أبو خشبة مش هقدر أقولك عليها ولا الصنيعية تقدر تقول سر المهنة،  ده سر من 150 سنة، والصنعة بتعتمد على نوع الدقيق والنفس وده أهم حاجة .. السر فى الشغلة حبها تحبك".

 

 

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

 

https://www.youtube.com/channel/UCbnJMCY2WSvvGdqWrOjo8oQ?disable_polymer=true

 





لا توجد تعليقات على الخبر

اضف تعليق