الجمعة، 22 سبتمبر 2017 08:10 ص
قناة اليوم السابع المصورة

بالفيديو.. بطلة كليب ركبنى المرجيحة: فرضت نفسى على الساحة الفنية

كتب : محمد فتحى| 7/17/2017 2:31:32 AM

قالت دالى حسن بطلة كليب "ركبنى المرجيحة" فى تصريح خاص لـ"فيديو 7" قناة اليوم السابع المصورة،  " انا كنت صايمة وانا بصور الكليب لأننا كنا بنصوره فى رمضان والكليب ده اساسا جزء من فيلم كوميدى اسمه "بالوظة" وجبنا المصور من الشارع يصور لنا الكليب"، وقررنا بعد النجاح اللى عمله الكليب إننا نغير اسم الفيلم من بالوظة إلى "ركبنى المرجيحة".

وتابعت: انا شايفة نفسى بعد 5 سنين هاكون فنانة مشهورة، لأن صوتى رقيق والجمهور بيطلب منى اعمل مهرجانات وكليبات أطفال، وناس كتير بتقولى استمرى فى نجاحك وملكيش دعوة بتعليقات أى حد، وانا شايفة صوتى حلو وبالذات فى كليبات الأطفال، وانا شايفة انى فرضت نفسى على الساحة الفنية.

 

وأوضحت، قبل عرض الكليب طلبت من المنتج اتفرج على الكليب وهو رفض، بس الكليب مفيهوش حاجة وحشة وانا مبسوطة بيه وبضحك لما بتفرج عليه، انا بحب كل جمهورى اللى بيحبنى وبزعل من اللى بينتقدنى بس بنسى وبسامح، مؤكدة، لو أتصل أحد منتجى الأفلام السينمائية من أجل الظهور فقط فلن أوافق وهشترط  إنى أظهر بجانب بطلة الفيلم.

وأضافت: أنا مترشحة ادخل مسابقة ملكة جمال العرب ومدير المهرجان كلمنى وقالى انتى هتكونى فى المهرجان وانا واثقة فى نفسى جدا وقادرة على الفوز، والستات بتيجى جنبى فى الشارع تقولى بسم الله ما شاء الله من جمالى".

واستكملت، سبق ليا الزواج من انسان كويس جدا ومعروف واى واحدة تتمنى انها تتجوزه ومعنديش منه أولاد بس محصلش نصيب وحاليا انا مش مرتبطة.

وأختتم حديثها، انا بحب صافيناز جدا وبحب صوتها وليا الشرف انى شبهها،وبحب كمان محمد رمضان وهو ممثل جامد فى الرومانسى والكوميدى وكل افلامه مفيش زيها، وانا نفسى أمثل فيلم معاه، أما بالنسبة للغناء فمثلى الأعلى الفنانة وردة الجزائرية.

أثار فيديو كليب جديد، انتشر عبر ساحات مواقع التواصل الاجتماعى حمل اسم "ركبنى المرجيحة"، الجدل بين رواد هذه المواقع، وكان بطلا الأغنية شاب يدعى أحمد أبو شامة وفتاة تدعى دالى حسن.

 

 





لا توجد تعليقات على الخبر

اضف تعليق